Са студзеня беларускі аўтарынак павялічыўся больш чым на 50%

Паводле дадзеных аналітычнага агенцтва “Аўтастат”, у Беларусі ў студзені-верасні 2015 зарэгістравалі 38,2 тыс новых легкавых аўтамабіляў. Гэта на 52,2% больш, чым за аналагічны перыяд мінулага года (25,1 тыс штук).

За верасень у Беларусі прададзена 4,7 тыс новых легкавых і лёгкіх камерцыйных аўтамабіляў, што на 49,2% больш, чым у верасні мінулага года (3,1 тыс штук).

Лідэрам рынку за дзевяць месяцаў стаў Renault з доляй 16,6%. На другім месцы — Volkswagen, доля якога склала 12,1%. Трэцяе месца ў Hyundai з доляй 11,6%. Сярод мадэляў тройка лідэраў выглядае так: Volkswagen Polo (3440 шт.), Hyundai Accent (3204 шт.) і Renault Sandero (1904 шт.).

Галоўнае фота: carnewsweek.ru