Сацсеткі Facebook і Instagram працуюць са збоямі
Сацыяльныя сеткі не адкрываліся ў Беларусі і іншых краінах.
Карыстальнікі з усяго свету пішуць пра праблемы з доступам да Facebook і сацыяльнай сеткі Instagram. Гэтыя сэрвісы не працавалі каля паўгадзіны і ў Беларусі. Доступу не было з 9.40 да 10.10 раніцы. Недаступныя яны былі і праз мабільныя дадаткі, паведамляе BBC.
"Прабачце, нешта пайшло не так. Мы працуем над выпраўленнем гэтай памылкі", — паведамляецца пры спробе зайсці на Facebook.
Assosiated Press паведамляе, што збой адбыўся ў ЗША і краінах Азіі. Таксама Facebook не адкрываўся ў Беларусі, Украіне і Расіі.
Увечары 24 студзеня не працавала найбуйнейшая сацыяльная сетка “Вконтакте”.
