Шасцігадовы хлопчык пад Талачыном спаліў аўтамабіль суседа (фота)
![Шасцігадовы хлопчык пад Талачыном спаліў аўтамабіль суседа (фота)](/sites/default/files/styles/gallery_main/public/2023-08/talaczyn-2008-2.jpg.webp?itok=WBgHUFUt)
19 жніўня ў 10:19 талачынскіх ратавальнікаў выклікалі на пажар гаража ў вёсцы Канапельчыцы, перадае прэс-служба МНС.
Прыбыўшы на месцы выкліку, яны пабачылі, што гарыць дах гаража і легкавы аўтамабіль, які стаіць побач. Пазней стала вядома, што гаспадар дома ў гэты час быў на працы і пра пажар даведаўся ад відавочцаў.
Праверка выявіла, што прычынай пажару стаў суседскі шасцігадовы хлопчык, які гуляўся з запалкамі. Яго бацькі былі на працы, хлопчыка даглядала бабуля.
Пацярпелых пры пажары не было. Агонь пашкодзіў дах гаража і машыну.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.