Пазней работнік патэлефанаваў жанчыне і ўдакладніў, ці прымала яна вітаміны. Калі яна зацяжарыла, з ёй зноў зкантактавалі. Кітаянка не стала адказваць на пытанні чыноўніка, але пасля нараджэння дзіцяці да яе заявіліся чыноўнікі і папрасілі сфатаграфаваць дзіця дзеля справаздачы.
Паводзіны дзяржслужбоўцаў абурылі маці. Яна перакананая, што ўлады не павінны ўмешвацца ў асабістае жыццё.
Але вось ва ўрадзе з ёй не згодныя. У афіцыйным прэс-рэлізе асацыяцыі планавання сям'і ў Муданьцзяне гаворыцца, што нараджэнне дзяцей і шлюб аніяк не з'яўляюцца асабістай справай грамадзян.
Доўгі час кітайскія ўлады праводзілі "палітыку аднаго дзіцяці", што прывяло да падзення нараджальнасці. Зараз, каб яе падняць, урад агітуе грамадзян жаніцца, праводзіць у ВНУ спецыяльныя лекцыі і кантралюе здароўе жанчын дзетароднага ўзросту.
А яшчэ чыноўнікі тэлефануюць жыхаркам Кітая і раяць нарадзіць другое дзіця, калі адно ўжо ёсць.
Страхі немцаў
Больш за ўсё на свеце немцы баяцца перагрузкі краіны з-за міграцыі і росту кошту жыцця. Пра гэта кажуць вынікі доўгатэрміновага даследавання страхавой кампаніі R+V.
57 працэнтаў апытаных заявілі, што баяцца павышэння коштаў у Германіі. Другі распаўсюджаны страх (56%) звязаны з тым, што ўлады не справяцца з усімі ўцекачамі, а ў грамадстве праз гэта вырасце ўзровень напружанасці.
— Урад ФРГ доўгі час "проста ігнараваў" фундаментальныя праблемы іміграцыі, і цяпер у гэтай сферы "тэрмінова патрабуюцца" палітычныя рашэнні, якія не распальваюць далейшае напружанне ў грамадстве, — заявіла агенцтву Reuters палітолаг з Марбургскага ўніверсітэта Ізабель Барукі.
У той жа самы час даследчыкі зафіксавалі і пазітыўныя змены ў настроях немцаў у параўнанні з 2023 годам. Напрыклад, агульны "індэкс страху" знізіўся на тры пункты — з 45% да 42%. Ён вылічваецца зыходзячы з выказаных асцярог, якія тычацца палітыкі, эканомікі, грамадства, здароўя і навакольнага асяроддзя.
Прапаганда і месенджары
Папулярныя праграмы WhatsApp і Telegram усё часцей становяцца інструментамі палітыкаў — у тым ліку і ў прапагандзе. Пра гэта кажуць даследнікі з Нью-Йоркскага універсітэта (NYU).
