У Парыжы лаюць рэжысёра Берталучы, а ў Бразіліі — спявачку Адэль — #ІхНоравы

17/12/2024 - 15:09

Замежныя навіны / @rubanau_collage

У Германіі святкуюць папаўненне ў каалаў, від якіх знаходзіцца пад пагрозай знікнення, а яшчэ там вызначылі, што лепшыя падарункі на Каляды дораць свёкры і свякрухі.

Тым часам бразільскі суд пастанавіў зняць адну з песень Адэль з усіх стрымінгавых платформаў, а ў Парыжы адмянілі "Апошняе танга".

Больш падрабязна пра ўсё гэта чытайце ў нашай традыцыйнай рубрыцы "Іх норавы".

Апошняе танга — не ў Парыжы

Прэстыжны французскі кінатэатр скасаваў паказ фільма "Апошняе танга ў Парыжы" пасля таго, як праваабарончая супольнасць жанчын выказала пратэст супраць скандальнай сцэны гвалту, знятай без згоды выканаўцы галоўнай ролі Марыі Шнайдэр.

У кінатэатры заявілі, што адклікалі фільм праз пагрозы.

— У нас кінатэатр, а не крэпасць. Мы не можам рызыкаваць бяспекай нашых супрацоўнікаў і гледачоў, — растлумачыў дырэктар кінатэатра Фрэдэрык Бано.

Судовая забарона пагражае бразільскім даччыным кампаніям Sony і Universal, а таксама лэйблу Адэль штрафам у памеры васьмі тысяч долараў "за невыкананне патрабаванняў".

Музычныя кампаніі яшчэ могуць абскардзіць гэтае рашэнне.

Забарону вынес суддзя Віктар Торэс у шостым камерцыйным судзе Рыа-дэ-Жанейра ў чаканні далейшых дзеянняў па дзейнай справе аб плагіяце.

Нараджэнне каалаў

У батанічным садзе з заапаркам Вільгельма ў Штутгарце святкуюць з'яўленне першага патомства каалаў. Самкі — пяцігадовая Скарбара і трохгадовая Оберн — носяць па малому ў сваіх сумках. Бацька абодвух — шасцігадовы самец Аэра. Другі самец, Наві, не вельмі цікавіўся размнажэннем з прычыны свайго ўзросту (яму тры гады). Пра гэта расказалі супрацоўнікі саду.

Тэматычны парк Terra Australis, прысвечаны аўстралійскім відам, быў адкрыты ўнутры саду Вільгельма з чатырма дарослымі кааламі ў ліпені 2023 года. Двое дзіцянят нарадзіліся гэтым летам, але на працягу паўгода хаваліся ў сумках сваіх мам, толькі зрэдку паказваючы лапкі на радасць наведвальнікаў. Нядаўна адзін з малых ўпершыню высунуў галаву.

Каала як від знаходзіцца пад пагрозай вымірання ва ўсім свеце: іх папуляцыя імкліва скарачаецца з-за высечкі эўкаліптавых лясоў і лясных пажараў. Сад Вільгельма разам з іншымі заапаркамі імкнецца да таго, каб гэтых сумчатых мядзведзяў стала больш.

В Париже ругают режиссёра Бертолуччи, а в Бразилии — певицу Адель — #ИхНравы

Каала / unsplash.com

Лепшыя падарункі на Каляды

Свёкры і свякрухі, а таксама бабулі і дзядулі ў Германіі лепш за ўсіх угадваюць з падарункамі на Каляды. Такую тэндэнцыю паказваюць вынікі апытання YouGov.

Летась падарункамі названых груп былі незадаволеныя толькі 9 адсоткаў апытаных. Прэзентамі ад сваіх бацькоў і партнёраў — 16 працэнтаў, а сяброў — 18 працэнтаў.

У цэлым, дарэчы, большасць жыхароў Германіі задаволеныя каляднымі падарункамі, якія яны атрымалі ў мінулым годзе.