У Беларусі расце папулярнасць стужак з нацыянальным арнаментам (фота)
Карыстальнікі сацыяльных сетак скупляюць іх у крамах тканінаў ды робяць з іх дзясяткі малых стужак.
Як піша "Беларускі партызан", стужкі з нацыянальным беларускім арнаментам сталі выцясняць георгіеўскія. У сацыяльных сетках з'яўляецца ўсё больш здымкаў, якія сведчаць пра папулярнасць ідэі. Яе падхапіла нямала людзей, стужкі з арнаментам з'явіліся ў аўтамабілях. І не толькі ў сталіцы, але і ў рэгіёнах.
5 кастрычніка ў Мінску пройдзе першы маштабны фэст беларускай культуры — Дзень вышыванкі. На свяце будуць бясплатна раздаваць стужкі з беларускім арнаментам.
Фота з сацыяльных сетак
