У Беларусі ў вышуку знаходзіцца 51 непаўнагадовы

У Беларусі з 1994 года ў вышуку знаходзіцца 51 непаўнагадовы. У 11 выпадках распачатыя крымінальныя справы аб забойстве. У 10 выпадках ёсць падставы меркаваць, што адбыліся няшчасныя выпадкі. Гэтыя лічбы ў ток-шоу “Наша жыццё” на тэлеканале АНТ агучыў падпалкоўнік міліцыі Георгій Еўчар, намеснік начальніка ўпраўлення, начальнік аддзела па ўзаемадзеянню з электроннымі СМІ МУС Беларусі.

Тэма ток-шоу — “Не губляючы надзею”. У ім гаворка ідзе пра зніклых у нашай краіне дзецях.