У Брэсце расіянка ўдавалася хворай, каб не плаціць штрафы BelToll

Жыхарка Расіі выплаціла штраф у 800 еўра за несанкцыянаваны праезд па беларускіх платных дарогах у сістэме BelToll. Транспартная інспекцыя па Брэсцкай вобласці выявіла за жанчынай парушэнні ў мінулым і ў гэтым годзе і выставіла ён патрабаванне да аплаты, калі расіянка прыехала ў пункт пропуску “Варшаўскі мост”. Гэта здарылася позна ўвечары 30 сакавіка.

Машына, на якой замежная госця прыехала ў Беларусь, зарэгістраваная ў Балгарыі. Расіянка спачатку катэгарычна адмовілася плаціць штраф і зачынілася ў аўтамабілі. Каб пазбегнуць інцыдэнтаў, супрацоўнікі інспекцыі прымянілі блакіратар. Жанчына скардзілася на адсутнасць грошай, потым сказала, што кепска сябе адчувае. Прыбыла хуткая і не знайшла падставаў для шпіталізацыі.

Інцыдэнт улагодзілі толькі раніцай 31 сакавіка, калі ў пункт пропуску прыбыў прадстаўнік расійскага генконсульства ў Брэсце. Яго дыпламатычнымі намаганнямі парушальніца цалкам аплаціла штраф, перадае БЕЛТА.