У цэнтры Мінска прайшла несанкцыянаваная акцыя "Я — ІП"
![У цэнтры Мінска прайшла несанкцыянаваная акцыя "Я — ІП"](/sites/default/files/styles/gallery_main/public/2023-08/c1168564b6a9a86bc8b522fde48305f2dfb665b3d71ca8fdcdpimgpsh_fullsize_distr.jpg.webp?itok=XMXEjpSA)
У панядзелак у цэнтры Мінска прайшла несанкцыянаваная акцыя салідарнасці з індывідуальнымі прадпрымальнікамі "Я — ІП". Да Чырвонага касцёла прыйшлі каля 30 чалавек — індывідуальныя прадпрымальнікі і апазіцыянеры (пераважна сябры Аб'яднанай грамадзянскай партыі). Прыйшоў і лідар АГП Анатоль Лябедзька. Плошча Незалежнасці была ачэпленая міліцыяй.
Некаторыя з прысутных трымалі ў руках паперкі са словамі "Я — ІП".
На ўсіх, хто прамаўляў на мітынгу, міліцыянеры складалі пратаколы аб адміністрацыйным правапарушэнні. Пасля кароткага мітынгу група ўдзельнікаў акцыі на чале са старшынёй АГП Анатолем Лябедзькам пайшла ў Дом ураду, каб перадаць 11 прапановаў па выхаду з сітуацыі з ІП. У Доме ўраду прынялі зварот і паабяцалі, што праз 15 дзён на яго адкажуць.
Фотафакт: удзельнікі акцыі ў Мінску заходзяць у Дом урад
Як вядома, з 1 студзеня індывідуальныя прадпрымальнікі ў Беларусі павінны прадаваць тавары з сертыфікатамі. Пры іх адсутнасці іх чакаюць штрафы. З-за гэтага значная частка прадпрымальнікаў спыніла працу.