У чвэрцьфінале Лігі чэмпіёнаў мадрыдскі "Рэал" выйграў у "Чэлсі"
Матч "Рэал" — "Чэлсі" / УЕФА
У хатнім матчы чвэрцьфіналу Лігі чэмпіёнаў футбалісты мадрыдскага "Рэала" выйгралі ў лонданскага "Чэлсі" з лікам 2:0. На 22-й хвіліне гульні лік адкрыў Карым Бензема, а ў другім тайме Марка Асенсія ўстанавіў канчатковы вынік — 2:0.
Футбалісты "Напалі" ў першым матчы чвэрцьфінала на выездзе саступілі "Мілану" — 0:1. Адзіны гол на 40-й хвіліне забіў Ісмаэль Бенасер.
Паўторныя сустрэчы ў гэтых парах адбудуцца 18 красавіка.
Напярэдадні англійскі "Манчэстар Сіці" перамог мюнхенскую "Баварыю" з лікам 3:0. А міланскі "Інтэр" выйграў у лісабонскай "Бенфікі" — 2:0.
