У Драгічынскім раёне вецер раскрываў дахі дамоў і валіў дрэвы

У Драгічынскім раёне Брэсцкай вобласці вецер раскрываў дахі дамоў і валіў дрэвы. Здарэнне адбылося ў панядзелак. Найбольш пацярпеў аграгарадок Хомск. Як піша раённая газета, усё пачалося са склада фермерскай гаспадаркі: вецер сарваў каля 200 лістоў шыферу і вырваў бетонныя слупы з плітамі.

У Хомску пацярпела ад стыхіі шмат жылых дамоў. У некаторых з іх вецер сарваў па 5-10 лістоў шыферу. А дах аднаго з дамоў па Піянерскай вуліцы вецер раскрыў практычна цалкам. У двух пакоях праломленая столь. Пашкоджаны дахі і гаспадарчых пабудоў.

Па вуліцы Набярэжнай упалі тры ліпы і перакрывалі дарогу.