У Гомелі нецвярозы пенсіянер, якому выклікалі хуткую, ударыў лекара
![Міліцыянтам мужчына сказаў, што нічога не памятае / Ілюстрацыйнае фота pixabay.com](/sites/default/files/styles/gallery_main/public/2023-08/gomel_20_12_2.jpg.webp?itok=_ovfZNT0)
Міліцыянтам мужчына сказаў, што нічога не памятае / Ілюстрацыйнае фота pixabay.com
Гомельскі пенсіянер, якому выклікалі хуткую, стаў фігурантам крымінальнай справы аб хуліганстве. Яму 71 год. Мужчына быў нецвярозы — выпіваў са знаёмым, а потым пайшоў дадому. Па дарозе прысеў на лавачку. "На сталага чалавека звярнуў увагу мінак. Ён выклікаў хуткую медыцынскую дапамогу, баючыся за здароўе пенсіянера", — распавядаюць у гомельскай міліцыі.
Медыкі прапанавалі мужчыне прайсці ў аўтамабіль. Ён пагадзіўся. Аднак калі садзіўся ў машыну, раптам разгарнуўся і ўдарыў 25-гадовую дзяўчыну-лекара. Пацыента скруцілі, прывезлі ў бальніцу і патэлефанавалі ў міліцыю.
Міліцыянтам мужчына сказаў, што нічога не памятае.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.