У гродзенскай кватэры адбыўся выбух газу
![У гродзенскай кватэры адбыўся выбух газу](/sites/default/files/styles/gallery_main/public/2023-08/mns-0304.jpg.webp?itok=U4Sl_BBp)
2 красавіка ў 21:55 гродзенскім ратавальнікам паступіла паведамленне пра выбух газапаветранай сумесі. Інцыдэнт адбыўся ў кватэры, размешчанай на чацвёртым паверсе пяціпавярховага дома на завулку Даватара, паведамляе прэс-служба МНС.
Пры выбуху жыхарка кватэры атрымала апёкі твару, галавы, задняй паверхні грудной клеткі. Былі пашкоджаныя ўваходныя дзверы ў кватэру, шкло ў шыбе ў жылым пакоі, закураныя сцены, столь.
Мяркуецца, што прычынай выбуху стала парушэнне правілаў карыстання газам у побыце.