У Лондане выявілі неразарваную бомбу вагой у паўтоны
Спатрэбілася эвакуацыя жыхароў дамоў каля Тауэрскага моста.
Жыхароў дамоў каля Тауэрскага моста ў Лондане эвакуявалі. Як паведамляе ВВС, у гэтым раёне знайшлі неразарваную бомбу часоў Другой сусветнай вайны.
Паводле неафіцыйных звестак, вага бомбы — прыкладна 450 кілаграмаў.
Брытанскія спецслужбы кажуць, што праблема "наўрад ці будзе вырашаная сёння".
Фота — weandworld.com
