У Маскве ўзарвалі аўтамабіль з расійскім афіцэрам
На месцы выбуху / t.me/astrapress/
Раніцай 24 ліпеня ў Маскве на паркоўцы ўзарвалі аўтамабіль Toyota Land Cruiser з расійскім афіцэрам, яму адарвала ступні ног. Па неафіцыйнай інфармацыі, гэта быў намеснік начальніка 89-га цэнтра спадарожнікавай сувязі Узброеных сіл Расіі Андрэй Таргашоў. Акрамя яго шпіталізаваная жанчына, якая была на пасажырскім сядзенні.
Пазней з'явілася інфармацыя, што пацярпеў іншы чалавек, вайсковец, які служыў у ГРУ. Нібыта, таксама Андрэй Таргашоў.
Выбух быў настолькі магутны, што пашкодзіў і прыпаркаваныя побач аўтамабілі. Па якім артыкуле распачатая крымінальная справа, пакуль не паведамляецца.
