У Мінску зносяць адзін з офісаў "Прыёрбанка"

У Мінску зносяць вядомы жоўты будынак каля "Белай Вежы", у якім раней быў офіс "Прыёрбанка", паведамляюць "Мінск-Навіны". Будынак размяшчаўся па адрасе праспект Машэрава, 40.

Гэты будынак, як і шэраг іншых, зносяць дзеля будаўніцтва станцыі метро. У будучыні на скрыжаванні праспекта Машэрава і вуліцы Крапоткіна размесціцца станцыя "Пярэспа" Зеленалужскай лініі метрапалітэна.

Цяпер ідуць падрыхтоўчыя працы для пракладкі метро. Пад знос плануюць пусціць адселены жылы дом №36 па праспекце Машэрава, 36, а таксама частку будынка №25 па вуліцы Веры Харужай.