У папулярным генератары субтытраў з'явілася беларуская мова
Мабільнік, ілюстрацыйнае фота / pexels.com
У мабільнай праграме Сaptions з'явілася беларуская мова.
Сaptions — праграма для аўтаматычнага дабаўлення субтытраў на створанае відэа з дапамогай штучнага інтэлекту. Беларускія карыстальнікі праграмы даўно прасілі дадаць нашу мову ў спіс тых, на якіх можна ствараць субтытыры.
Урэшце ў Сaptions з'явілася паведамленне: "Мне прыемна абвясціць, што цяпер мы падтрымліваем беларускую мову. Шчыра дзякуем вам за галасаванне і цярплівасць!"
Цяпер кожны карыстальнік Сaptions мае магчымасць не толькі ў два клікі ствараць субтытры на беларускай мове, але і перакладаць на беларускую мову відэа, агучаныя на англійскай, нямецкай ды іншых мовах.
Дарэчы, на платформе change.org цяпер збіраюць подпісы за тое, каб беларуская мова зявілася ў Kindle Direct Publishing.
