У Расіі разбіўся ваенна-транспартны самалёт Іл-76, ёсць ахвяры
У Расіі разбіўся ваенна-транспартны самалёт Іл-76. З-за няспраўнасці рухавіка ён здзейсніў "жорсткую пасадку" ў Разанскай вобласці. Загінулі чатыры чалавекі, яшчэ пяць атрымалі траўмы рознай ступені цяжкасці.
Як піша Baza, самалёт ляцеў з Белгарада ў Арэнбург. У Разані ён дазаправіўся, але ўжо праз хвіліну пасля ўзлёту загарэўся рухавік.
У Расіі апошнім часам адбылося некалькі здарэнняў з ваеннымі самалётамі Су-25: 17 чэрвеня была катастрофа ў Белгарадскай вобласці (лётчык паспеў катапультавацца), а праз некалькі дзён — у Растоўскай вобласці (пілот загінуў).
