У Расіі валейбалісткі спазняліся на цягнік і збеглі з матчу
![Фота: zafisha.zab.ru](/sites/default/files/styles/gallery_main/public/2023-08/volley-2.jpg.webp?itok=WtFgMdCb)
Фота: zafisha.zab.ru
Матч трэцяга тура чэмпіянату Расіі па валейболе сярод жаночых каманд Вышэйшай лігі "Б" паміж "Бранскам" і "Гатчынкай" не быў дагуляны праз тое, што адна з каманд спазнялася на цягнік. Пра гэта са спасылкай на "Бранскія навіны" паведамляе Lenta.ru.
Па інфармацыі выдання, пры ліку 2:2 камандам трэба было згуляць на тай-брэйку, каб выявіць пераможцу. Аднак валейбалісткі "Гатчынкі" не выйшлі на пляцоўку, і ім было залічанае тэхнічнае паражэнне.
Прадстаўнікі валейбольнай каманды з Ленінградскай вобласці растлумачылі свае дзеянні тым, што каманда спазнялася на цягнік, які ходзіць раз на суткі.
Дзякуючы атрыманым ачкам бранская каманда замацавалася на трэцім радку ў турнірнай табліцы. "Гатчынка" размясцілася на чацвёртым месцы.