У студзені заробкі беларусаў істотна знізіліся
У студзені 2018 года заробкі беларусаў істотна знізіліся. Сярэдняя зарплата склала 859 рублёў, паведамляе Нацыянальны статыстычны камітэт. Гэта на 136,3 рублі менш, чым у снежні 2017-га. Калі ў канцы мінулага года сярэдняя зарплата складала 495 долараў (995,3 рублі), то сёлета — $432.
Дарэчы, зніжэнне заробкаў у пачатку 2018-га яшчэ ў лістападзе мінулага года прагназаваў Аляксандр Лукашэнка.
