У Жытоміры ўзніклі праблемы з рамонтам беларускіх тралейбусаў

У Жытоміры ўзніклі праблемы з рамонтам беларускіх тралейбусаў. Іх у горадзе паўсотні. 48 штодня на лініі, а 2 рамантуюцца. Як паведамляе zhitomir.info, у гарадской адміністрацыі кажуць, што ў лютым сёлета скончыліся ўсе гарантыйныя тэрміны на тралейбусы, а сувязі з заводам-вытворцам няма ніякай. Таму рамантаваць тэхніку няпроста — запчасткі з Беларусі не прывезці з-за вайны і санкцый.

Гарадскія ўлады бачаць выхад у набыцці новай тэхнікі, якая паступова заменіць беларускую. У 2024-м будзе куплена 20 тралейбусаў "з аўтаномным ходам", а таксама 15 электробусаў.