Уладзімір Макей знаходзіцца ў Іране
Уладзімір Макей / Еўрарадыё
Міністр замежных спраў Беларусі Уладзімір Макей знаходзіцца ў Іране. 26 кастрычніка пачаўся яго афіцыйны візіт у гэтую краіну, паведамляе прэс-служба знешнепалітычнага ведамства. БЕЛТА адзначае, што "падрабязнасці пакуль не паведамляюцца".
Візіт у Іран Макея адбываецца ў час, калі ў гэтай краіне не сціхаюць пратэсты, калі працягваецца скандал вакол паставак іранскіх баявых дронаў Расіі (іх яна выкарыстоўвае для ўдараў па Украіне). Напярэдадні ў горадзе Захедан былі забітыя іранскія сілавікі (палкоўнік і генерал), якія якраз адказвалі за гэты праект. Супраць Ірана ўводзяцца санкцыі.
