Уладзімір Навасяд хоча стаць дэпутатам у трэці раз
![Уладзімір Навасяд хоча стаць дэпутатам у трэці раз](/sites/default/files/styles/gallery_main/public/2023-08/navasiad.jpg.webp?itok=8hhIVw2S)
Уладзімір Навасяд, які цяпер ачольвае незарэгістраваную Партыю свабоды і прагрэсу, у трэці раз ідзе на парламенцкія выбары. Раней ён быў дэпутатам Вярхоўнага савета 13-га склікання і Палаты прадстаўнікоў 2-га склікання, але на той момант прадстаўляў Аб’яднаную грамадзянскую партыю.
У інтэрв’ю Радыё Свабода Навасяд паведаміў, што ўжо вызначыўся з акругай — гэта 94-я Свіслацкая акруга ў Мінску. Тут ён спрабаваў стаць дэпутатам у 2008 годзе і тады яго канкурэнтам быў артыст Купалаўскага тэатра Генадзь Давыдзька (цяпер старшыня БТ). Праз чатыры гады Навасяд балатаваўся тут і прайграў дырэктару сталічнага аўтапарка Леаніду Мажэйку.
Паколькі яго партыя не зарэгістраваная, нягледзячы на чатыры спробы гэта зрабіць, Уладзімір Навасяд будзе вылучацца шляхам збору подпісаў.