Wargaming адкрывае студыю ў Маскве
![Ілюстрацыя: gup.wikia.com](/sites/default/files/styles/gallery_main/public/2023-08/tanks.jpg.webp?itok=2KVfzw5C)
Ілюстрацыя: gup.wikia.com
Кампанія Wargaming працягвае развіваць мабільны накірунак і адкрывае студыю распрацоўкі ў Маскве. Узначаліць Wargaming Moscow расіянін Андрэй Зіменка, які раней кіраваў выдавецтвам мабільных гульняў у Wargaming Labs і студыяй распрацоўкі ў Mail.Ru.
"Масква з'яўляецца адным з буйных цэнтраў мабільнай распрацоўкі ў свеце, таму з'яўленне студыі Wargaming тут не выпадковае, — цытуе Зіменку apptractor.ru. — Наша галоўная мэта — сабраць моцную каманду, з якой зможам вырашаць самыя амбітныя задачы".
Сфармаваўшы каманду, маскоўская студыя Wargaming зоймецца стварэннем мідкорных гульняў для мабільных платформаў.
На дадзены момант у кампаніі Wargaming 15 офісаў у розных гарадах свету, у тым ліку — у Мінску, Нікосіі, Парыжы, Чыкага.