Як Трамп скраў у дыктатара Лукашэнкі перамогу на "выбарах". Эфір

Трэцяга лютага Цэнтральная выбарчая камісія агучыла афіцыйныя вынікі прэзідэнцкіх "выбараў" у Беларусі. Паводле звестак ЦВК, Лукашэнка набраў 86,82% галасоў, чым чакана апярэдзіў сваіх апанентаў. 

На фоне страсцей, якія палаюць у ЗША, навіна пра пераабранне дыктатара на чарговы тэрмін прайшла незаўважна. У першыя дні пасля галасавання, калі вынік яго быў ужо, агулам, зразумелы, Лукашэнку павіншавалі лідары толькі некаторых краін.

Навошта дыктатару выбары? Што адбываецца з дыктатарамі пасля выбараў? Чаму Лукашэнка стаў нецікавым нават сваім сябрам і як Трамп замінае радавацца беларускаму дыктатару чарговаму прэзідэнцкаму тэрміну? 

Пра ўсё гэта і не толькі ў жывым эфіры Еўрарадыё размаўляем з кандыдатам гістарычных навук, маяністам Яўгенам Красуліным.