Як у Мінску сустракалі прэзідэнта Азербайджана (фота, відэа)
![Як у Мінску сустракалі прэзідэнта Азербайджана (фота, відэа)](/sites/default/files/styles/gallery_main/public/2023-08/000020_32c49227daf86d3a43258349004d2bc1_654961.jpg.webp?itok=JWka--7F)
У панядзелак у Мінску пройдзе сустрэча Аляксандра Лукашэнкі і Ільхама Аліева. Прэзідэнт Азербайджана прыляцеў у Беларусь позна ўвечары 18 лістапада. У Нацыянальным аэрапорце Мінск Аліева сустракаў намеснік прэм'ер-міністра Міхаіл Русы (напярэдадні ён удзельнічаў у пасяджэнні беларуска-азербайджанскай міжурадавай камісіі па гандлёва-эканамічным супрацоўніцтве). Прэзідэнт Азербайджана яго пазнаў і цёпла прывітаў. Фота і відэа з'явіліся на сайце БЕЛТА.
Падчас перамоваў Лукашэнкі і Аліева ў Палацы Незалежнасці будуць абмеркаваныя "стан і перспектыўныя накірункі развіцця дачыненняў паміж Беларуссю і Азербайджанам". Гаворка пойдзе пра гандлёва-эканамічнае супрацоўніцтва, інвестыцыйныя праекты, таксама адбудзецца "абмен меркаваннямі па актуальнай міжнароднай праблематыцы", інфармуе прэс-служба беларускага кіраўніка.