Ярмошына: Няма грошай на тое, каб з-за апазіцыі рабіць камісіі па 19 чалавек

Ярмошына: Няма грошай на тое, каб з-за апазіцыі рабіць камісіі па 19 чалавек

Сёлета ва ўчастковыя выбарчыя камісіі трапілі толькі 26 прадстаўнікоў апазіцыйных партый. Пры тым, што агульная колькасць сяброў такіх камісіі па краіне складае 63816 чалавек. Пераважная большасць камісій складаецца з 14 чалавек, хоць выбарчае заканадаўства дазваляе, каб у складзе камісій было да 19 членаў. Але павялічваць колькасць чалавек ва ўчастковых камісіях толькі дзеля таго, каб у іх склад уключыць прадстаўнікоў дэмакратычных сіл, немэтазгодна.

Усё таму, што фінансаванне абмежаванае, а члены камісій за сваю працу павінны атрымаць нармальны заробак, тлумачыць Еўрарадыё старшыня Цэнтрвыбаркама Лідзія Ярмошына:

 “Мы ім фінансаванне на даём на такую колькасць, 19 чалавек. Таму ніхто гэтага не хоча, бо людзі павінны капейку атрымаць. Калі мы будзем павялічваць склад камісіі да 19 чалавек, то ў такім выпадку заробак будзе ніякі. Мы даём фінансаванне толькі на 15 чалавек у Мінску і на 14 чалавек у вобласці ва ўчастковыя выбарчыя камісіі. Таму яны і вызначаюць такі склад. Патрэбная эканомія, і таму ніхто не будзе рабіць 19 ― у нас каштарыс так разлічаны. Мы не можам даваць з разліку на 19 чалавек ― нам ніхто гэтых грошай не дасць”.

Тым не менш, кажа старшыня ЦВК, мясцовым уладам, якія і займаюцца фармаваннем выбарчых камісій, неабходна супрацоўнічаць з мясцовымі апазіцыянерамі. “Бо не ўсе з іх з’яўляюцца такімі ўжо складанымі і праблемнымі”, ― кажа Лідзія Ярмошына. І дадае, што адмова ва ўключэнні ў склад выбарчай камісіі можа быць абскарджаная ў судзе.

Нагадаем, скаргі ў суд на мясцовыя ўлады з-за неўключэння іх прадстаўнікоў у склад участковых выбарчых камісій падавалі АГП і ПБНФ. Але ніводная з такіх скаргаў судамі не была задаволеная

Апошнія навіны

Галоўнае

Выбар рэдакцыі