Яўдаху абвінавачваюць у арганізацыі і падрыхтоўцы масавых беспарадкаў?
Кнігараспаўсюдніка Алеся Яўдаху абвінавачваюць у арганізацыі і падрыхтоўцы масавых беспарадкаў. Яго брутальна затрымалі людзі ў цывільным увечары 21 сакавіка ў Мінску.
Як піша ў Facebook Усевалад Сцебурака, уначы прайшоў ператрус у кватэры Яўдахі. Яго праводзілі супрацоўнікі КДБ. Яны "прад'явілі родным ордэр і сказалі, што Алесь арыштаваны па абвінавачванні ў арганізацыі падрыхтоўцы масавых беспарадкаў". Падчас ператрусу "з кватэры ўзялі нешта сімвалічнае" ды вярнулі ключы ад машыны, недалёка ад якой Алеся Яўдаху і затрымалі.
Як інфармавала Еўрарадыё, у Мінску былі затрыманыя таксама адзін з былых кіраўнікоў "Белага легіёну" Міраслаў Лазоўскі і былы актывіст Андрэй Дундукоў.
Як вядома, учора Аляксандр Лукашэнка заявіў пра затрыманне ў Беларусі баевікоў, якія рыхтавалі правакацыю са зброяй.
