Юлія Чарняўская пасля выпіскі з лякарні не з'явілася дома
Саўладальніца партала TUT.by Юлія Чарняўская не з’явілася дома пасля выпіскі са шпіталя. Пра гэта ў Фэйсбуку напісала яе дачка Яўгенія. Дзе маці, яна не ведае.
"З больніцы яе выпісалі (высветліла гэта толькі дзякуючы сіле Фэйсбука і вам, дарагія сябры. Вядома ж ніякія органы і бальніцы мне не тэлефанавалі). Але мама не дома. Мама не ў бальніцы. А дзе яна з 10-й раніцы?" — напісала Яўгенія.
Ва ўдавы заснавальніка TUT.by Юрыя Зісера сёння, верагодна, адбыўся ператрус па "справе TUT.by". Пасля гэтага Юлію Чарняўскую даставілі 1-ю гарадскую клініку з гіпертанічным крызам. Пры гэтым яе суправаджаў канвой.
