За сцяжок з гербам "Пагоня" затрымалі трактарыста
Сцяжок з "Пагоняй" у кабіне трактара / Telegram
У Беларусі за бел-чырвона-белы сцяжок з гербам "Пагоня" затрымалі трактарыста прадпрыемства "Зелянбуд". Ён быў у кабіне трактара, і хтосьці напісаў данос у ГУБАЗіК (у яго чат-бот).
"Прафілактычная гутарка і адміністрацыйная адказнасць павінны вярнуць грамадзяніна ў рэальнасць", — пішуць сілавікі.
Затрыманні за выкарыстанне беларусамі бел-чырвона-белай сімволікі і герба "Пагоня" праходзяць па ўсёй краіне. Летам у Полацкім раёне будаўніка арыштавалі за татуіроўку з "Пагоняй". Яе назвалі "пікетам у сацсетках".
