За суткі на пажарах загінулі 9 чалавек, чацвёра з іх — у Слуцку
![Пажар у жылым доме](/sites/default/files/styles/gallery_main/public/2024-01/mamai.jpg.webp?itok=DgMiD4hK)
Пажар у жылым доме / mchs.gov.by
За суткі на пажарах у Беларусі загінулі 9 чалавек, чацвёра з іх — у Слуцку. Як паведамляюць ратавальнікі, у гэтым горадзе ў кватэры аднапавярховага двухкватэрнага жылога дома пажар адбыўся каля 21-й гадзіны ў панядзелак. Удалося выратаваць 44-гадовага мужчыну. Загінулі 72-гадовы гаспадар, 66-гадовая жанчына, з якой ён сумесна жыў, а таксама госці — 55-гадовы мужчына і 52-гадовая жанчына. Меркаваная прычына пажару — неасцярожнае абыходжанне з агнём пры курэнні аднаго з загінулых.
У Мінску на пажары ў кватэры на пятым паверсе пяціпавярховіка ў завулку Клумава загінуў 46-гадовы гаспадар і 48-гадовы мужчына, які быў у яго ў гасцях. Прычына пажару тая ж.
![За суткі на пажарах загінулі 9 чалавек, чацвёра з іх — у Слуцку](/sites/default/files/styles/default_image_paragraph/public/paragraphs/image/per.-Klumova.jpg.webp?itok=s6_RKrmh)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.