“Жодзінскі цэнтрал” адзначыў 25-гадовы юбілей

У мінулую пятніцу ў Жодзіне адбылося ўрачыстае мерапрыемства, прысвечанае 25-годдзю “Турма №8”, якую ў народзе прынята называць “жодзінскім цэнтралам”, паведамляе “Барысаў электронны”.
Жодзінскі СІЗА – месца, вядомае на ўсю краіну. Менавіта тут размяшчаецца турма для асуджаных на пажыццёвыя тэрміны.

Вясной 2006 года пасля прэзідэнцкіх выбараў сюды масава звазілі апазіцыянераў з Кастрычніцкай плошчы. Тут сядзеў першы час Аляксандр Казулін.