З'явілася відэа пажару на мэблевым цэнтры ў Мінску, знятае з дрона
![З'явілася відэа пажару на мэблевым цэнтры ў Мінску, знятае з дрона](/sites/default/files/styles/gallery_main/public/2023-08/pazhar-3008.jpg.webp?itok=XE6uYH9b)
Супрацоўнікі МНС абнародавалі відэаздымкі пажару ў будынку ААТ "Мінскмэбля".
Як распавядала Еўрарадыё, здарэнне адбылося сёння каля 12-й гадзіны. Пажар узнік на даху адміністрацыйнага будынку і ахапіў плошчу каля 50 квадратных метраў. На барацьбу з ім выязджалі 19 пажарных машынаў.
Прычынай здарэння сталі агнявыя работы на даху, якія вяліся з парушэннем правілаў бяспекі. Рабочыя працавалі з балгаркай, іскры ад якой, як мяркуецца, і прывялі да пажару.