З'явілася відэа расстрэлу тэрарыстамі палонных украінскіх афіцэраў
Прарасійскія баевікі патрабуюць вызваліць агентку ФСБ Расіі, якая напярэдадні была захопленая ўкраінскімі сілавікамі.
Як паведамляе УНН, з такім патрабаваннем да кіраўніцтва Украіны звярнуўся супрацоўнік расійскіх спецслужбаў Ігар Безлер па мянушцы "Бес", адзін з камандзіраў тэрарыстаў ва ўсходніх абласцях. На відэа ён пагражае расстрэльваць па 2 падпалкоўніка і палкоўніка СБУ, якія знаходзяцца ў яго ў палоне ў Горлаўцы (агулам іх 6 чалавек). Пра тое, што "Бес" хоча вызваліць агентку ФСБ, паведаміў у Facebook экс-кандыдат у прэзідэнты і лідар Радыкальнай партыі Алег Ляшко.
На відэа ёсць кадры расстрэлу дваіх мужчын у цывільнай вопратцы ("Бес" назваў іх прозвішчы — Будзік і Васюшчанка). Ці гэта сапраўды быў расстрэл ці пастаноўка, невядома.
Турчынаў пракаментаваў відэа расстрэлу тэрарыстамі палонных
