З'явілася відэа з аэрадрома каля Зябраўкі, які выкарыстоўваюць расійскія войскі
![Зябраўка](/sites/default/files/styles/gallery_main/public/2024-03/444.jpg.webp?itok=Hd9T2Et5)
Зябраўка / Кадр з відэа
З'явілася відэа з аэрадрома каля Зябраўкі на Гомельшчыне, які ўжо некалькі гадоў выкарыстоўваюць расійскія войскі. Яго апублікаваў, а пасля выдаліў кіраўнік ваенізаванага клуба з Рэчыцы Уладзімір Габраў, піша "Флагшток".
На відэа, знятым 14 сакавіка, бачнае перамяшчэнне бронетэхнікі на пад'ездзе да аэрадрома. На ўзлётным полі стаіць верталёт, бачныя ракетныя ўстаноўкі і радыёлакацыйнае абсталяванне.
Аэрадром у Зябраўцы добра ахоўваецца. Летась гамельчуку прысудзілі 9 гадоў калоніі за яго фота.
Габраў — прыхільнік "рускага свету". Год таму ён папулярызаваў кувалду "вагнераўцаў", зрабіў яе экспанатам музея ў рэчыцкай гімназіі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.