22 снежня ў Мінску пачнуць працаваць ёлачныя кірмашы
Ялінкі / unsplash.com
22 снежня ў Мінску пачнуць працаваць елачныя кірмашы. Ялінкі можна будзе набыць больш як на 60 пляцоўках.
— Адзін з галоўных сімвалаў Новага года можна будзе купіць на 68 пляцоўках, — расказвае намесніца начальніка галоўнага ўпраўлення гандлю і паслуг Мінгарвыканкама Ірына Маслакова. — Па выніках аўкцыёнаў мінулых гадоў яны прадастаўлены суб'ектам гаспадарання ў арэнду. Кошт дрэў і рэжым працы такіх кропак усталёўваюць прадаўцы.
Колькасць елачных кірмашоў, якія гарадскія ўлады арганізуюць на землях агульнага карыстання, не мянялася з 2022 года. Акрамя таго, ялінкі ўдасца набыць на кірмашах, у магазінах, на прыватных гандлёвых пляцоўках.
