75 гадоў Святлане Алексіевіч
Святлана Алексіевіч у Мінску ў жніўні 2020-га / Еўрарадыё
31 траўня споўнілася 75 гадоў беларускай пісьменніцы, нобелеўскай лаўрэатцы Святлане Алексіевіч. Яна трэці год вымушана жыве за мяжой.
Алексіевіч бадай што самая вядомая ў свеце беларуская пісьменніца. У 2015-м яна атрымала Нобелеўскую прэмію па літаратуры "за шматгалосую творчасць — помнік пакутам і мужнасці ў наш час". Яна крытычна выказвалася і працягвае выказвацца пра цяперашні рэжым у РБ. У 2020-м у Беларусі Святлана Алексіевіч была ў складзе Каардынацыйнай рады, ёй пагражаў крымінальны пераслед. Яна жыве ў Германіі. Кнігі пісьменніцы ў РБ правяралі "на наяўнасць экстрэмізму".
Святлана Алексіевіч была госцем праграмы Еўрарадыё “Ідэя Х”.
