Арцём Мілеўскі перайшоў у венгерскі клуб
Футбаліст Арцём Мілеўскі, які нядаўна пакінуў "Дынама-Брэст", падпісаў кантракт з венгерскім клубам "Кішварда". Пра гэта паведамляецца на афіцыйным сайце каманды.
Нагадаем, што 33-гадовы Мілеўскі сышоў з брэсцкага клуба пасля канфлікту з галоўным трэнерам Аляксеем Шпілеўскім. Падрабязнасці канфлікту не агучваліся. Дарэчы, сам 30-гадовы Шпілеўскі неўзабаве пасля гэтага таксама перастаў быць галоўным трэнерам брэсцкай каманды.
Як удакладняе tut.by, новы клуб Мілеўскага пасля 6 тураў чэмпіянату Венгрыі займае ў турнірнай табліцы перадапошняе месца.
