Бабруйская міліцыя шукае кенійца
Аддзел унутраных спраў Бабруйскага райвыканкама расшуквае кенійца Эндру Адонга, які схаваўся ад следства. Ён падазраецца ў здзяйсненні некалькіх злачынстваў. Эндру Адонга пражываў у вёсцы Цялуша Бабруйскага раёна. На від яму 25-30 гадоў, рост — каля 175-180 сантыметраў, хударлявага целаскладу. Валасы чорныя, кароткія, маюцца лобныя залысіны. Твар авальны, вочы цёмныя, нос шырокі, вусны тоўстыя, вушы адтапыраныя. Карацей, тыповы прадстаўнік афрыканскага кантынента, заўважае газета “Рэспубліка”.
