Беларус сенсацыйна перамог на самым прэстыжным сусветным турніры па муай-тай
![Беларус сенсацыйна перамог на самым прэстыжным сусветным турніры па муай-тай](/sites/default/files/styles/gallery_main/public/2023-08/22.jpg.webp?itok=xTCMbf-M)
У панядзелак, 28 снежня, у тайскай Патаі адбыўся галоўны гадавы турнір прамоўшана Top King World Series у сярэдняй вазе (70 кг). Па выніках года сюды паставілі біцца беларуса Дзмітрыя Варца.
У першым жа двубоі наш хлопец нечакана для многіх накаўтаваў знакамітага тайскага прафесіянала Кема Сітсонгпінонга.
Але галоўнае выпрабаванне чакала Варца наперадзе. У фінале беларус сышоўся з Хаялам Джаніевым, які ў мінулым сезоне перамог самага папулярнага байца свету Буакава Бэнчамэка.
Дзмітрый здолеў спыніць магутны напор саперніка і заманіць яго ў сваю гульнявую манеру вядзення бою. Суддзі аддалі перамогу Варцу пасля дадатковага раўнда.
Дзмітрый Варац пераважна жыве ў Гродне, але трэніруецца ў знакамітага беларускага спецыяліста Юрася Булата ў клубе Bulat Gym. Цікава, што трэнер пераважна вядзе свае старонкі ў сацсетках па-беларуску.
![Беларус сенсацыйна перамог на самым прэстыжным сусветным турніры па муай-тай](/sites/default/files/paragraphs/image/73369994923600938803788016247984093868n.jpg)