"Белтэлекам" папярэджвае пра цяжкасці з доступам да "заходніх" сайтаў
Цяжкасці з выхадам у інтэрнэт звязаныя з пашкоджаннем кабеля, кажуць на прадпрыемстве / БЕЛТА
На прадпрыемстве "Белтэлекам" папярэдзілі інтэрнэт-карыстальнікаў пра магчымыя цяжкасці з доступам у інтэрнэт. Праўда, цяжкасці могуць узнікаць толькі падчас спробы падключыцца "да рэсурсаў "заходняга" сегмента".
Прычына ў тым, што пашкоджаны кабель "у напрамку партнёра ў Польшчы", кажуць на прадпрыемстве.
Карыстальнікі ў Беларусі адзначаюць, што даволі доўга пачалі грузіцца папулярныя сэрвісы і сацсеткі — у прыватнасці, Twitter, Facebook і YouTube.
