БГК імя Мяшкова выйграў Кубак Беларусі

БГК імя Мяшкова выйграў Кубак Беларусі па гандболе. 30 траўня ў сталічным палацы спорту "Уручча" ў рашаючым матчы быў абыграны мінскі СКА — 29:20 (12:11). Для каманды Сяргея Бябешкі гэта ўжо 11-я перамога ў кубку і пятая запар. Трэцяе месца ў "фінале чатырох" заваяваў "Гомель".

Днямі СКА саступіў БГК у рашаючым матчы ў чэмпіянаце Беларусі і ўзяў толькі "срэбра". Каманда з Брэста стала чэмпіёнам краіны ўжо 10-ы раз.