Цела Канстанціна Кальцова прывязуць у Мінск
Канстанцін Кальцоў / ФХБ
Цела Канстанціна Кальцова днямі павінны прывезці ў Мінск. Пра гэта піша @pressallby са спасылкай на першага трэнера спартоўца Уладзіслава Астапенку.
Дарэчы, трэнер мяркуе, што гібель экс-хакеіста магла быць звязаная з сямейнымі звадамі. "Ён пасварыўся, гэта сямейная сітуацыя. Я сам не магу зразумець, вельмі складана, цяжка цяпер", — кажа Астапенка.
Пра гібель 42-гадовага экс-хакеіста беларускай зборнай стала вядома напярэдадні. Паліцыя Маямі заявіла пра суіцыд: Кальцоў скочыў з габца гатэля.
Таксама з'явіліся паведамленні, што перад гэтым спартовец напісаў заяву на звальненне з ХК "Салават Юлаеў", дзе ён быў трэнерам. Апошняя размова ў клубе нібыта адбылася на павышаных танах.
