Ціханоўская бярэ ўдзел у сусветным эканамічным форуме ў Давосе
Святлана Ціханоўская / https://twitter.com/Tsihanouskaya
Святлана Ціханоўская бярэ ўдзел у сусветным эканамічным форуме ў Давосе. Яна прадставіць Аб'яднаны Пераходны Кабінет і дэмакратычныя сілы Беларусі, піша прэс-служба палітыка.
Форум пройдзе 16-19 студзеня. У ім паўдзельнічаюць лідары 52 краін і каля 600 гендырэктараў міжнародных кампаній, карпарацый.
У асноўнай праграме форуму Ціханоўская выступае двойчы: 17 студзеня на тэму "У абарону Еўропы" разам з прэзідэнтамі Польшчы, Літвы, Паўночнай Македоніі і міністрам замежных справаў Іспаніі, а таксама 19 студзеня на тэму жаночага лідарства з удзелам віцэ-прэм'еркі Канады Хрысці Фрыланд і губернатаркі штату Мічыган Грэтхэн Уітмер (Святлана Ціханоўская распавядзе пра ролю жанчын у беларускім пратэсце і грамадзянскай супольнасці).
19 студзеня ў межах неасноўнай праграмы форуму адбудзецца дыскусія на тэму беларускага бізнесу і эканамічнай перспектывы для беларусаў. Адзначаецца, што ў гісторыі Давоса ўпершыню адбудзецца дыскусія, якая цалкам будзе прысвечаная Беларусі. Ціханоўская падзеліцца бачаннем дэмакратычных сіл па развіцці і падтрымцы прыватнага сектару Беларусі, будучых эканамічных рэформаў.
During my visit to @wef, I will take part in important discussions on the future of European security & women's leadership. I look forward to bilateral meetings with PM @alexanderdecroo, @EU_Commission VP @VeraJourova, FM @jmalbares, FM @WBHoekstra & many others. #WEF23 pic.twitter.com/dwYrfylb3U
— Sviatlana Tsikhanouskaya (@Tsihanouskaya) January 15, 2023
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.