Двух братоў затрымалі за тое, што яны, "сігналячы, падтрымлівалі пратэсты"
Ягор і Арцём Шкарадзёнкі / фота з старонкі "Вконтакте"
ГУБАЗіК затрымаў двух братоў. Сілавікі кажуць, што тыя ў 2020-м, "сігналячы, падтрымлівалі пратэсты".
Як даведалася "Наша Ніва", гэта 23-гадовы Ягор і 27-гадовы Арцём Шкарадзёнкі. Ягор — аматар рэп-музыкі, ён піша ўласны рэп пад нікнэймам FRUTTI. Арцём цікавіцца спортам і асабліва футболам, заўзее за клуб Arsenal.
Паводле сілавікоў, у Ягора ў тэлеграме знайшлі яшчэ і каментар, у якім ён піша: "Перакулены аўтазак — гэта ўжо не аўтазак".
Паведамляецца, што на абодвух братоў пачалі крымінальныя справы.
