ЕС пашырыў "чорны" спіс па Украіне і прыняў абмежавальныя меры па Крыме
У спіс дадаліся 8 чалавек і 3 кампаніі.
ЕС пашырыў спіс асобаў, да якіх будуць ужытыя санкцыі ў выглядзе забароны на ўезд і замарожванне актываў, перадае УНІАН. Адпаведнае рашэнне было прынята ў панядзелак у Брусэлі падчас пасяджэння Камітэта пастаянных прадстаўнікоў краін ЕС.
Камітэт таксама ўзгадніў далейшыя меры, якія абмяжоўваюць гандаль і інвестыцыі ў Крым і Севастопаль. Гэтыя абмежавальныя меры спыняюць інвестыцыі ў такія сектары ў Крыме і Севастопалі, як транспартная, тэлекамунікацыйная, энэргетычная галіны. Яны таксама забараняюць экспарт ключавога абсталявання для гэтых сектараў у Крыме і Севастопалі.
Сёння Камітэт абмяркуе эканамічныя меры ў святле дэстабілізацыйнай ролі Расіі ва Усходняй Украіне.
Фота — УНІАН
