ФБР затрымала Джэка Тэйшэйру па падазрэнні ва ўцечцы сакрэтных даных
Затрыманне / Скрыншот з відэа
ФБР затрымала 21-гадовага Джэка Тэйшэйру па падазрэнні ва ўцечцы сакрэтных даных Пентагона і амерыканскай выведкі. Узброеныя агенты прыехалі ў яго дом у Норт-Дайтане ў штаце Масачусэтс неўзабаве пасля таго, як пра падазраванага даведаліся СМІ.
Як напісала газета The New York Times, Джэк Тэйшэйра — пілот Нацгвардыі Ваенна-паветраных сіл ЗША. Ён з'яўляецца мадэратарам невялікага закрытага анлайн-чата, у якім і з'явіліся згаданыя дакументы.
