Беларус зрабіў з кітайскага металалому гіганцкіх коніка і камара (фота)
Баранавіцкі мастак Алесь Фалей удзельнічаў у міжнародным сімпозіуме скульптараў у горадзе Чанчунь у Кітаі.
Скульптуры вырабляліся з самых розных матэрыялаў — бронзы, мармуру, каменя. Беларус рабіў сваю кампазіцыю з металалому. Па словах аўтара, хацелася зрабіць яе вышынёй пяць метраў, але давялося ўлічыць пажаданні арганізатараў і тое, што яго твор будзе размяшчацца ў памяшканні. Таму Фалей вымушаны быў “абысціся” трохметровымі параметрамі работы, інфармуе Intex-press.
