Французскі ўрад супраць "сухога закона" — #ІхНоравы

06/01/2024 - 08:42

#ІхНоравы / @rubanau_collage

Вы ўжо паспелі адолець здзіўленне ад папулярнасці вобразу slavic girl? (Так-так, у ЦікТоку нейкі час было папулярна апранацца ў футра пад музыку Каці Лель).

Цяпер новы трэнд: амерыканскія зумеры адкрылі для сябе чорную ікру. Яны запіваюць яе шотамі і шампанскім.

Гэта традыцыйны агляд сусветных навін ад Еўрарадыё. Сочым за падзеямі ў свеце, які паціху вар’яцее, і запісваем усё ў анамнэз.

Макрон супраць "сухога студзеня"?

Французскія нарколагі выступілі супраць... французскага ўрада. А прэзідэнта Эмануэля Макрона абвінавацілі ў лаяльнасці віннаму лобі. У чым рэч?

У 2020 годзе ў Францыі ўпершыню правялі акцыю"сухі студзень". Першымі такі студзень арганізавалі брытанцы — яны спрабавалі знізіць спажыванне алкаголю пасля святаў. Ну а французы паспрабавалі паўтарыць, але ўрад застаўся да гэтай ініцыятывы даволі абыякавым.

І на гэтым тыдні пяцьдзясят французскіх спецыялістаў з нарказалежнасці напісалі адкрыты ліст, у якім шкадавалі пра абыякавасць уладаў да "сухога студзеня".

"Наша ўпэўненасць у тым, што ўрад будзе праводзіць паслядоўную і рашучую палітыку барацьбы з алкагалізмам, сур'ёзна падарваная", — пішуць лекары.

Некаторыя міністры сапраўды дыстанцыяваліся ад "сухога студзеня" і не сталі заклікаць французаў цалкам адмовіцца ў гэтым месяцы ад алкаголю. Яны растлумачылі, што аддаюць перавагу заахвочваць умеранасць, а не радыкальную адмову. Адзін з іх — міністр сельскай гаспадаркі. Ён лічыць, што французы і так мала п'юць, каб пераконваць іх не піць наогул!

Міністр кажа, што спажыванне алкаголю ў Францыі за апошнія паўстагоддзя ўпала на 70%. І наогул, толькі за мінулы год французы сталі піць на 7-10% менш алкаголю.

"Я не думаю, што французам патрэбныя нечыя ўрокі. Людзям надакучыла, калі ім кажуць, што есці, што піць, як падарожнічаць. Ёсць лад жыцця, які таксама заслугоўвае павагі”, — сказаў ён.

А сам сабе, напэўна, падумаў: калі так пойдзе далей, вінаградары збанкрутуюць!

Прыхільнікі "сухога студзеня" кажуць, што Францыя з'яўляецца чацвёртым па велічыні спажыўцом алкаголю ў Еўропе і што алкаголь з'яўляецца прычынай больш як 40 тыс. смерцяў французаў кожны год. Але... вінаробная галіна штогод прадае за мяжу прадукцыі на 9 млрд еўра. Ну, вы зразумелі.

Свабода бізнесу заканчваецца там, дзе пачынаюцца прафсаюзы

А калі хочаце паглядзець, як выглядаюць шокавыя рэформы па вывадзе краіны з глыбокага крызісу — увага на Аргенціну. Там да ўлады нядаўна прыйшоў прэзідэнт-лібертарыянец Хаўер Мілей, і ён спрабуе справіцца з дзікай інфляцыяй — летась яна склала 200%.

Мілей лічыць, што перамагчы інфляцыю дапаможа бізнес, якому трэба даць больш свабодаў. Гэтыя свабоды ён паспрабаваў увесці сваім дэкрэтам, вось толькі свабоды для бізнесу не спадабаліся прафсаюзам.

Прэзідэнт хацеў павялічыць выпрабавальны тэрмін для новых работнікаў з трох да васьмі месяцаў, скараціць кампенсацыі звольненым, скараціць адпачынак па цяжарнасці і доглядзе за дзіцяці. Агулам дэкрэтам ён хацел адмяніць больш за 350 правілаў, якія перашкаджалі бізнесу, і ў дадатак звольніць 7 тысяч дзяржслужбоўцаў.

Французское правительство против “сухого закона” — #ИхНравы

Той самы здымак з сацсетах Бэкхема

Ох, адны марнуюць плойму сіл, каб здавацца заможнымі, іншыя — яшчэ больш сіл, каб здавацца сціплымі пралетарамі! Instagram, што ты з намі робіш, спыніся!

Уіл Сміт патэлефануе

Але добра, вось вам гісторыя пра карысць Instagram.

У жыцці Бары, 25-гадовага маладога чалавека з Гвінеі, усё было няпроста. Ён вельмі хацеў вучыцца ў прэстыжным егіпецкім універсітэце, але не меў грошай на пералёт. Тады Бары сеў на ровар і чатыры месяцы ехаў праз Малі, Буркіна-Фасо, Тога, Бенін, Нігер і Чад... гэта дужа небяспечны маршрут, Бары тройчы арыштоўвалі і трымалі пад вартай.

Калі ж ён дабраўся да Чада, у яго ўзяў інтэрв'ю журналіст ВВС. Тады знайшліся добрыя людзі, якія аплацілі яму пералёт у Егіпет. Але на гэтым добрыя навіны толькі пачыналіся.

У Каіры Бары прапанавалі стыпендыю і залічылі на курс, і тут... яму патэлефанаваў Уіл Сміт! Актор прачытаў гісторыю бары ў Instagram і быў так крануты, што вырашыў яму дапамагчы. Ён падарыў студэнту новы ровар (для падарожжаў) і ноўтбук (для вучобы). А яшчэ ваўчар на куплю авіябілетаў, каб Бары змог злятаць дадому — або каб яго сям'я змагла прыляцець у Каір.

Вярнуць 4 тысячы долараў

Калі вы думалі, што гэта будзе самая матывуючая Гісторыя тыдня — а вось і не. Чытайце наступную!

Сабака з'еў канверт з 4 тысячамі долараў, якія гаспадары адклалі, каб разлічыцца з будаўнікамі. Але тыя змаглі вярнуць амаль усю суму!

Відэа, у якіх уладальнікі голдэндудла з Пенсільваніі распавядаюць пра свае нягоды, стала вірусным. І самае крыўднае: на стале стаяў стэйк — але ён сабаку не зацікавіў. А вось канверт з чатырма тысячамі даляраў!.. Ням-ням.

Голдендудл паставіў грошы вышэй за стэйк / фота ілюстрацыйнае / pixabay

Але мы не будзем пераказваць усё, што з імі здарылася. Дастаткова сказаць, што перажаваныя (і перавараныя) купюры яны аднаўлялі па кавалачках, каб выявіць серыйныя нумары банкнот — і паслаць запыт на іх вяртанне ў банк.

Удалося сабраць амаль усё — бясследна зніклі ў сабачым страўніку толькі 450 долараў. Вось гэта вынаходлівасць і цярпенне!

Спадзяемся, вы зараз падазрона паглядзелі на сваіх гадаванцаў і... схавалі пашпарты далей. Беларускі пашпарт — гэта не 4 тысячы долараў, яго так проста не адновіш.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.