Грамадзяне Беларусі за год купілі паўтары тысячы аб'ектаў нерухомасці ў Літве
Вільня ў пачатку сакавіка 2023-га / delfi.lt
Грамадзяне Беларусі за год купілі амаль паўтары тысячы аб'ектаў нерухомасці ў Літве. Цяпер яны цалкам ці часткова валодаюць 3200 аб'ектамі нерухомасці ў гэтай краіне — дамамі, кватэрамі, зямельнымі ўчасткамі і рознымі пабудовамі. Агульны кошт гэтай нерухомасці ацэньваецца на суму каля 170 мільёнаў еўра, піша bns.lt.
Год таму беларускія кампаніі ў Літве валодалі 14 аб'ектамі нерухомасці, сёлета іх ужо 23. Гэта ў асноўным нежылыя будынкі.
Грамадзяне Беларусі складаюць другую па велічыні групу замежнікаў у Літве, іх налічваецца 48804 чалавекі. На першым месцы ўкраінцы — 94891, на трэцім расіяне — 15706.
